Gəncədə 24 yaşlı futbolçu bıçaqlanıb

Gəncə şəhərində bıçaqlanma hadisəsi qeydə alınıb.

Xəbərin.az APA-ya istinadən xəbər verir ki, hadisə şəhər ərazisində baş verib.

Belə ki, Bakı şəhər sakini, 2002-ci il təvəllüdlü V. Rzayev qarın boşluğunun kəsilmiş-deşilmiş yarası diaqnozu ilə xəstəxanaya yerləşdirilib.

Yaralı dərhal cərrahi əməliyyat olunub, vəziyyətinin orta-ağır olduğu bildirilir. Məlumata görə, bıçaqlanan şəxs “Kəpəz” futbol klubunun oyunçusudur.

Hadisənin hansı şəraitdə baş verdiyi hələlik məlum deyil. Hadisə yerinə polis əməkdaşları cəlb olunub. Faktla bağlı araşdırma aparılır.