Son iki ildə Azərbaycanda 11 min açıq ürək əməliyyatı icra olunub

Son iki il ərzində Azərbaycanda 11 min açıq ürək əməliyyatı həyata keçirilib.

Xəbərin.az məlumat verir ki, bunu Azərbaycan Ürək və Damar Cərrahiyyəsi Cəmiyyətinin sədri Ramil Əliyev “Qafqazda ilk ürək transplantasiyası: Azərbaycan səhiyyəsinin tarixi nailiyyəti və gələcək perspektivlər” mövzusunda keçirilən dəyirmi masada bildirib.

O qeyd edib ki, icbari tibbi sığortanın tətbiqindən sonra açıq ürək əməliyyatlarının sayı kəskin artıb. R.Əliyevin sözlərinə görə, 2005-ci ildə ölkədə cəmi bir açıq ürək əməliyyatı aparıldığı halda, son illərdə bu sahədə ciddi irəliləyiş qeydə alınıb.