“Turan Tovuz” yeni hücumçusunu açıqladı

“Turan Tovuz” klubu transfer çalışmalarını davam etdirərək heyətini Coş Cinnelli ilə gücləndirib.

Xəbərin.az məlumat verir ki, İngiltərənin “Aston Villa” akademiyasının yetirməsi olan 28 yaşlı hücumçu ilə 1,5+1 illik müqavilə imzalanıb.

Son klubu İngiltərə Çempionşip təmsilçisi “Suonsi” olan Cinnelli daha əvvəl İngiltərədə “Şrusberi”, “Börnli”, “Altrinhem”, “Linkoln”, “Tranmer”, “Uolsol”, “Preston”, “Bristol Rovers”, Şotlandiyada isə “Harts” klublarında çıxış edib.