Sağlam bildiyimiz qatıq: gizli təhlükələr nələrdir?

Xəbərin.az xəbər verir ki, sağlam qida kimi tanınan qatığın həddindən artıq və ya yanlış şəkildə istehlak edilməsi bəzi hallarda sağlamlıq üçün mənfi nəticələrə səbəb ola bilər. Mütəxəssislər bildirirlər ki, hər qida kimi qatıq da ölçülü şəkildə qəbul edilməlidir.

Həkim-dietoloqların sözlərinə görə, laktoza qarşı həssaslığı olan insanlar qatıq qəbul etdikdə şişkinlik, qarın ağrısı, ishal və qaz problemi ilə üzləşə bilərlər. Bu cür hallarda qatıq mədə-bağırsaq sistemində narahatlıq yarada bilər.

Bundan başqa, yağlı qatığın tez-tez istehlakı artıq çəkiyə və qanda xolesterinin yüksəlməsinə səbəb ola bilər. Xüsusilə şəkər əlavə edilmiş qatıq növləri diabet riski olan insanlar üçün təhlükəli hesab edilir.

Mütəxəssislər qeyd edirlər ki, mağazalarda satılan bəzi qatıq məhsullarının tərkibində süni dadlandırıcılar, konservantlar və əlavə şəkər ola bilər ki, bu da uzunmüddətli istifadə zamanı sağlamlığa zərər verə bilər.

Həkimlər tövsiyə edir ki, qatıq seçərkən təbii və şəkərsiz məhsullara üstünlük verilsin, həmçinin gündəlik normadan artıq istifadə edilməsin.