Trampın iqamətgahında silahlı insident: Şübhəli güllələndi

Donald Trumpa məxsus Florida ştatındakı iqamətgaha icazəsiz daxil olmağa çalışan 20 yaşlarında bir şəxs təhlükəsizlik qüvvələri tərəfindən vurularaq öldürülüb.

Xəbərin.az xəbər verir ki, ABŞ Məxfi Xidmətinin açıqlamasına görə, hadisə West Palm Beach şəhərində yerləşən Mar-a-Lago kompleksinin şimal qapısı yaxınlığında baş verib.

Məlumata əsasən, şübhəli şəxs əlində nasoslu ov tüfəngi və yanacaq qabına bənzər predmetlərlə təhlükəsizlik zonasına yaxınlaşıb. Onun mühafizə perimetrini qanunsuz şəkildə pozmağa çalışdığı bildirilib. Hadisə yerində müdaxilə edən agentlərin açdığı atəş nəticəsində həmin şəxs həyatını itirib.

Qeyd olunub ki, hadisə zamanı Tramp Vaşinqtonda olub. Faktla bağlı araşdırma aparılır.