Bu qurumların nəqliyyat vasitələri satışa çıxarılır

Aprelin 7-də İqtisadiyyat Nazirliyi yanında Əmlak Məsələləri Dövlət Xidməti avtomobillərin satışı ilə bağlı növbəti dəfə hərrac keçirəcək.

Xəbərin.az xəbər verir ki, bu barədə Əmlak Məsələləri Dövlət Xidməti məlumat yayıb.

Bildirilir ki, "AzerGold" Qapalı Səhmdar Cəmiyyəti, Azərbaycan Respublikası Prezidentinin İşlər İdarəsi, Daxili İşlər Nazirliyinin Polis Akademiyası, Azərbaycan Respublikasının Gənclər və İdman Nazirliyinin tabeliyində olan "Milli İdman Tibb və Reabilitasiya Elmi-Praktiki İnstitutu" PHŞ, Maliyyə Nazirliyi, Xarici İşlər Nazirliyi, Fövqəladə Hallar Nazirliyi, Əmək və Əhalinin Sosial Müdafiəsi Nazirliyinə məxsus nəqliyyat vasitələrinin satışı həyata keçiriləcək.

Sifarişlər Azərbaycan Respublikası İqtisadiyyat Nazirliyi yanında Əmlak Məsələləri Dövlət Xidməti Əmlak Xidmətləri Məkanında (Bakı şəhəri, Nizami rayonu, Xəlil Rza Ulutürk küçəsi 20) hərracın keçirilməsinə ən gec 3 (üç) bank günü qalanadək qəbul olunacaq.

Hərraca çıxarılacaq nəqliyyat vasitələrinin siyahısına linkdən baxmaq olar.