Buruk: “Ən yaxşı heyət dövrümüzdəyik”

“Futbolçularım çox böyük əziyyət çəkdi. Qarşılaşmanı sona qədər istəkli şəkildə davam etdirdik".

Xəbərin.az xəbər verir ki, bu sözləri "Qalatasaray"ın baş məşqçisi Okan Buruk UEFA Çempionlar Liqasının pley-off mərhələsinin ilk oyunu çərçivəsində İstanbulda "Yuventus"a 5:2 hesabı ilə qalib gəldikləri gorüşdən sonra mətbuat konfrnasında deyib.

O, böyükhesablı qələbəni belə şərh edib: "Hesabın bizə yetərli olması psixologiyasına qapılmadıq. Ən çox istədiyim də bu idi. İnanılmaz dərəcədə xoşbəxtik. Amma ayaqlarımız yerə möhkəm basmalıdır. Vacib qələbə qazandıq, böyük əmək sərf olundu. Azarkeşlərimiz də möhtəşəm dəstək verdi. Bu işi cavab oyununda da eyni şəkildə davam etdirməliyik. Əsl sevinci mərhələni keçəndən sonra yaşamalıyıq”.

Baş məşqçi ilk hissədə buraxılan qollara baxmayaraq, komandasının oyunundan razı qaldığını da vurğulayıb: “Fasilədə futbolçuları təbrik etdim. Daha dominant tərəf biz idik, sadəcə iki uğursuz qol buraxdıq. Komanda sona qədər mübarizə apardı. 5 qol vurduqdan sonra belə arxayınlaşmadıq”.

O.Buruk qeyd edib ki, hazırda onun komandanı çalışdırıdğı dövrün ən yaxşı heyətinə malikdirlər: "Yaxşı transfer dövrü keçirdik. Bundan məmnunam; ehtiyat oyunçularının sayının artdığı, rəqabətin gücləndiyi və zədəli oyunçuların geri qayıtdığı bir dövrü yaşayırıq. Ən yaxşı heyət dövrümüzdəyik".

O.Buruk, 1993-cü ildən bəri keçirilən UEFA Çempionlar Liqasında komandasının ilk dəfə 5 qol vurduğunu, "Yuventus"un isə ilk dəfə 5 qol buraxdığını xatırladaraq deyib: "Bu nəticə bizim üçün önəmlidir. Çox xoşbəxtik, amma ikinci oyun oynanmadan heç nə bitmir. Bunun sevincini yaşayacağıq. Rəqibimizin nə qədər yaxşı bir komanda olduğunu və bizi nə qədər çətinliyə salacağını bilirəm".