Real Madridin sabiq ulduzu Manolin Bueno həyatını itirdi

Real Madrid və İspaniya futbolunun əfsanəvi simalarından olan sabiq futbolçu Manolin Bueno 86 yaşında vəfat edib.

Xəbərin.az məlumat verir ki, Real Madrid klubunun rəsmi internet saytında yayımlanan açıqlamada Bueno’nun ölüm səbəbi barədə məlumat verilməyib, ailəsinə və yaxınlarına başsağlığı ifadə olunub.

1959–1971-ci illər arasında “kral klubu”nun formasını 11 mövsüm geyinən Manolin Bueno, Real Madrid ilə 2 Çempionlar Liqası, 1 Qitələrarası Kupa, 8 La Liqa və 2 İspaniya Kuboku qazanıb.

Peşəkar karyerası ərzində Real Madridlə yanaşı, Kadis və Sevilya klublarında da çıxış edən Bueno, həmçinin İspaniya milli komandasının aşağı yaş qruplarında forma geyinib.