Azərbaycanda istehlak bazarının həcmi 85 mlrd. manatı ötüb

2025-ci ildə Azərbaycanda istehlakçıların tələbatlarının ödənilməsi məqsədilə satılmış malların və göstərilmiş xidmətlərin dəyəri 85,4 milyard manat olmaqla 2024-cü ilə nisbətən müqayisəliqiymətlərlə 4,9 faiz artıb, ümumi dəyərin 79,2 faizini pərakəndə ticarət dövriyyəsi, 17,5 faizini əhaliyə göstərilmiş ödənişli xidmətlərin dəyəri, 3,3 faizini isə ictimai iaşə dövriyyəsi təşkil edib.

Xəbərin.az APA-ya istinadən xəbər verir.

Qeyd edilib ki, qeyri-dövlət sektorunda fəaliyyət göstərən təsərrüfat subyektləri tərəfindən satılmış malların və göstərilmiş xidmətlərin dəyəri 2024-cü illə müqayisədə 4,8 faiz artaraq 81,9 milyard manata bərabər olmuş, onun 47,3 faizi fərdi sahibkarların fəaliyyəti sayəsində formalaşıb.