Putin işğal tarixini uzatdı

Rusiya bütün Donbası ələ keçirmək üçün son tarixi 2026-cı ilin aprelinə qədər uzadıb.

Xəbərin.az xəbər verir ki, bu barədə “Nyu York Post” məlumat yayıb.

“Lakin hazırkı irəliləyiş tempində ruslar bu arzunu yalnız 2027-ci ilin ortalarına qədər gerçəkləşdirə biləcəklər. Ruslar Donbasın qalan 21%-ni ələ keçirməlidirlər, lakin Rusiya indiyə qədər təxminən iki ildir hücum etdiyi və bunun üçün 150 mindən çox əsgər göndərdiyi Pokrovsku tam ələ keçirə bilməyib.

Bu arada isə Rusiya Prezidenti Vladimir Putin ABŞ Prezidenti Donald Trampa Ukraynanı təslim olmağa məcbur etmək üçün təzyiq göstərmək məqsədilə dünyanı Ukraynanın müdafiəsinin çökmək üzrə olduğuna inandırmağa çalışır”, - nəşr bildirib.